好多家長要返工，長時間都唔起屋企，餵乾糧絕對係好符合到需求。而且貓貓食完乾糧，又見到佢地飲好多水，食得飲得，就無再去特別理會。但係，係咪姐係代表貓貓飲左足夠既水？
答案係「唔會！」貓貓食完乾糧飲好多水絕對係扎扎實實既假象(((ﾟДﾟ;)))
乾糧既含水量通常都低於10%，貓貓食完會去飲水主要既原因係因為口乾乾，可以諗下身為人既我地，食完餅乾都會口乾想飲杯水，何況係貓貓呢？所以千其唔好比呢個假象呃左丫！
如果貓貓飲唔夠水會有咩情況發生？
1、用乾糧長期當做主食，會導致貓貓長期處於輕微脫水狀態，進而衍生成腎臟疾病，例如常見既腎衰竭（貓貓最普遍既死因）
2、貓貓攝取水份量不足，尿量就會少，容易衍生尿道結石，膀胱發炎等症狀
所以飲食均衡對貓貓係好重要架！希望貓貓小啲病痛，就要從平時既飲食著手，貓貓健康，做家長既都開心啲啦٩(｡・ω・｡)و