「鈣磷比」，呢個詞語相信大家都唔會陌生。但係當中既含意係點解？點解對貓貓甘重要？宜家就同大家探討一下。
首先，我地需要了解鈣同磷呢兩個元素先。
【鈣元素】
英文名CALCIUM，貓貓既身體對於鈣既需求量係好高，因為用於保護骨骼，亦都用於對所有肌肉既控制，例如心臟肌群，身體核心肌群等等，又可以幫助凝血同神經訊號傳遞，而且鈣亦有離子平衡既作用。鈣既主要來源係獵物體內既骨頭，而宜家既商業主食品大部分會再添加鈣既成份入去。
【磷元素】
英文名PHOSPHORUS，起骨骼同牙齒既形成過程中係好重要既元素，因為磷會被鈣吸引，形成磷酸鈣，造就骨骼同牙齒既強度。 而且磷起細胞膜同產生能量既過程中亦都發揮好關鍵既作用，係一個重要既營養元素。因為磷係細胞結構既一部份，所以主要來源係肉類組織同內臟。
當我地了解左鈣同磷既分別同對於貓貓既重要性之後，最重要係鈣磷既比例，兩者必須達到一個平衡點，先可以對貓貓既身體健康有保障，是但一邊太多或者太少都唔得架。