無論係養貓新手定係資深貓奴，好多人都對主食罐入面添加既膠類唔太清楚，甚至一頭無緒。其實無論係主食罐、副食罐、定係人類使用既食品，入面都可能有膠類添加物以增加當中既稠度，有啲仲有機會誘發致癌同較多既炎症敏感問題。其中有三種既膠類特別具有爭議性，分別係卡拉膠、瓜爾豆膠同三仙膠。今日就一齊同大家探討下添加左呢三種膠類會有咩問題。
【卡拉膠 CARRAGEENAN】
又命為鹿角菜膠／角叉菜膠／愛爾蘭苔菜膠。添加左之後最大既目的就係因為製造上可以大幅取代肉既用量達至30%。雖然卡拉膠都有分為食品級別，但係起製造過程中經過熱、酸、消化同細菌分解之後，可能會成為有害既降解型卡拉膠POLIGEENAN，係會有誘發消化道癌症同腸胃炎症既可能性。科學上已經證實會嚴重影響人體健康，亦都有起動物實驗中證實有機會誘發炎症同癌症。
【瓜爾豆膠 GUAR GUM】
又命為關華豆膠。由植物瓜爾豆去皮去胚芽之後既胚乳部份提煉而成，屬於植物膠既一種。添加左之後最大目的係因為有良好既滑膩口感同保水。呢種膠類係會降低貓貓對食物中既蛋白質同脂肪既利用能力，有機會令到某啲貓貓發生軟便同腹瀉既情況。
【三仙膠 XANTHAN GUM】
又命為黃原膠／玉米糖膠／黃膠／山羊膠／漢生膠。由野油菜黃單胞桿菌以碳水化合物發酵所產生既多醣體，屬於微生物膠既一種。添加左之後既最大目的就係提高黏度、增加香味同有厚實既口感。呢種膠類可能會造成炎症性腸病、克隆氏症同爛性結腸炎。雖然三仙膠起好多國家同地區都係公認安全既食品添加劑，但係對於某啲患有腹腔疾病或者腸道先天敏感既人同貓貓黎講，可能會好似麩質一樣刺激腸道，引起氣體、腹脹同腹瀉，並且引起炎症性腸病突然發作，而亦都有可能因為通過腸道而被分解成更多既有毒副產物，傷害腸道環境。