選擇無穀主食既原因，主要係因為貓貓屬於肉食性動物，最需要既營養就是肉類蛋白質，而唔係青菜蔬果。當然均衡都好重要，只係純肉類既比例相對地需要比較多。無穀主食亦都係為左降低貓貓過敏，因為有啲貓貓會對燕麥同薯仔過敏，有啲貓貓會對碗豆過敏，粟米都可能會引起部分貓貓痾爛屎，所以考量貓貓最主要既營養攝取需求，要以鮮肉比例高而且無穀既主食優先。
口味方面，盡量避免餵食魚底或者魚味既主食，甘係因為大多數都有重金屬殘留疑慮，而且魚底或者魚味上較容易造成貓貓挑食，例如吞拿魚係深海魚，易有殘留疑慮，口味上亦都容易令貓貓上癮。有口炎既貓貓就要避開羊肉同鹿肉，如果唔係會惡化到唔飲唔食。口味選擇上要以肉類為主既主食作為優先。但係如是貓貓本身好嘴刁、唔鍾意喝水，甘就要以貓貓健康為前提，可以搭配食用魚底或者魚味既主食進行誘食。