之前都有講過，濕食最大既好處就係可以直接起食物入面獲取高含量既水分。但係轉食無辦法一下就搞得掂，尤其對於個啲已經食左乾糧非常多年既貓貓，乾糧既口感同氣味已經深植貓心，而且唔認為濕食係食物。甘應該點同貓貓轉食呢？
記得一定要用漸進式轉食！首先，如果貓貓宜家係任食制既話，就要幫佢改成定時制，將一日乾糧既份量平均分配，變一日兩至三餐。當貓貓適應左一段時間之後，就可以將其中一餐轉做濕食，開頭唔好加水同份量唔洗多，記得將前一餐既份量減少，等貓貓保持適度既飢餓感。如試左幾次貓貓都唔食，就可以加一啲平時鍾意食既零食或者副食罐，灑起上面或者撈埋一齊增加香味。
心態都好重要，要抱住一定要轉食成功，唔怕浪費唔怕難既精神，先可以同你既貓貓轉食成功。如果只係認為試下先，得就得唔得就唔得既話，甘就一定失敗。期間都要留意返貓貓既身體情況，有啲貓貓起轉食初期因為腸胃適應緊會有痾嘔既症狀，適時加入返益生菌酵素就可以架啦。