宜家好多既主食品罐都標榜住符合AAFCO/NRC標準，其實呢兩類標準係咩野黎？我地先同大家介紹下。
【AAFCO】
全名為ASSOCIATION OF AMERICAN FEED CONTROL OFFICIALS，中文名叫做美國飼料管理協會 ，由獸醫同寵物營養學家、寵物食品廠商組成，當初係由FDA（美國藥物管理局）既人領頭 ，所以起寵物食品業界被視為一個標籤同標準。佢地會揀八隻或以上既貓狗，測試期長達半年左右，而起呢段時間只能食受測試既產品，測試結束後，只要其中六隻睇落去健康，而且體重無跌超過15%，然後再通過四樣血檢門檻，就可以成功達到AAFCO既認證，成為佢地號稱營養100%均衡既主食品。佢地每隔一段時間，就會按照實驗既結果黎調整制定既營養標準，但係往往都處於落後，要等到有貓狗嚴重到病左，先會意識到事情既嚴重性至做調整。
【NRC】
全名為NATIONAL RESEARCH COUNCIL，中文名叫做美國國家研究委員會，屬於美國國家科學院既機構，起1940年代就已經開始研究貓狗既營養標準，之後更提出寵物食品既標準，NRC 係根據可靠既科學證據同專家提供建議黎制定標準，但係因為呢個標準對於寵物食品既廠商黎講太高，根本無辦法達到呢個甘高既標準，所以一直不被引用。
AAFCO起制定標準既時候，只係沿用左 NRC既一小部份，其他絕大部分既制定模式，都係以寵物食品廠商可以簡單達到最低標準為準，佢地制定既成份標準其實不被營養師接受。所以千其唔好將AAFCO當係神聖既標準，建議將佢當成一個最低標準參考，再慢慢細分邊隻主食品比較適合自己既貓貓。