【主食罐】
其實只要通過AAFCO標準，就可以稱之為主食罐，而AAFCO提供既只係基本營養規範，只要入面既蛋白質、脂肪、維生素礦物質等等含量，達到左AAFCO規範既最低標準就可以稱之為主食罐。貓貓係絕對肉食性動物，所以佢地既飲食必須要有優質既動物性蛋白，甘先可以令他們近乎完整消化吸收。所以選擇主食罐既時候我覺得最好既方法係將AAFCO當做一個起點，必須先達到呢個最低既營養需求，再追求最佳營養需求，甘先係對貓貓最好既方式。
【副食罐】
通常以肉類蛋白質為主，有啲副食罐可能會搭配一啲植物性成分或者貓貓可以食用既碗豆、南瓜、地瓜等等，主要用於當做配餐同增加貓貓既飲水量。不過都建議大家，再好既副食罐都唔好長期當成主食品餵食，因為副食罐既成份就算有幾好，始終都無經過AAFCO呢個最低標準既認證，都會擔心一啲身體必要元素既缺乏，例如礦物質、維他命、鈣。
所以無論主食罐定係副食罐，都應該望一望成份去挑選，而唔係邊個品牌勁啲或者聽其他貓友講邊隻好，唔好因為包裝靚、知名度或者價錢影響，因為無最好既主食品，只有最適合既主食品，就算係同一種主食品，唔同既貓貓食左都會有唔一樣既反應。