top of page

食物保存及冷藏方法

發現大家都會困擾點樣將貓貓既食物好好保鮮,因為都好多人問,貓貓食唔曬既食物洗唔洗擺入雪櫃?可以雪幾耐?定係會直接掉?的確,養多過一隻貓貓既話無乜呢個困擾,但係養一隻貓貓既話,就會有開左一罐要分兩餐或者食好長時間先食得完既問題。

我既建議係會擺入雪櫃放到下一餐甚至下兩餐再拎出黎比貓貓食,真係兩餐都唔食先會掉左佢。當然你地都可以選擇將食唔曬或者唔食既食物拎出去餵流浪貓都得。至於雪幾耐,建議唔超過48小時,因為都要確保返品質既問題。

器皿方面可以揀啲可以用滾水消毒同耐熱度高既物料,例如BB用既保鮮盒,或者矽膠保鮮罐頭蓋,可以避免食物細菌污染之外,用洗碗機洗既時候或者用滾水沖洗既時候都可以同步消毒。

15 次查看

Comments


文章: Blog2_Post
bottom of page