【鈣攝取過少】
如果起飲食當中，鈣含量過少既話，會比較容易導致骨折、 軟骨病、甲狀旁腺亢進、身體虛弱、癲癇發作甚至死亡。如果係以肉類、內臟器官為主既主食品，其實更加攝取唔到足夠既鈣，所以自製鮮食或者生食既貓爸媽，要更注意鈣質既補充啦。
【鈣攝取過多】
如果起飲食當中攝取過量既鈣，會容易導致假肥大性骨營養不良症，以及分離性骨軟骨炎，同髖關節發育不全症 。攝取過量既鈣容易引起骨骼異常，對於幼貓甚至會影響骨骼既發育，令到佢地有終身骨骼同關節問題。
有啲人會有一個疑問，貓貓年紀大左要注重關節保養，第一個諗到既就係補鈣，但其實並唔係完全正確觀念，雖然年紀大係會有骨質疏鬆等等既問題，要補鈣係無錯，但主要補充既其實係葡萄糖胺同軟骨素。