貓貓係完全肉食性動物，意味住貓貓需要既營養來源係優質既動物性蛋白質。要以高蛋白、適度脂肪同低碳水為主。我地仲要了解貓貓體內其實係缺乏某啲消化碳水化合物既酵素，過量既碳水化合物會令到貓貓既消化系統負擔好大，亦都會影響其他營養既吸收，繼而引發更多既疾病發生機率。甘究竟選擇主食品既時候，有啲乜野係需要留意呢？
【肉類蛋白質】
判斷既方式唔困難，我地可以先睇下包裝既成份表，越前面既佔比例越高，如果第一個、第二個成份都係肉類蛋白質，即係代表佢既含肉量很高。記得，係肉類蛋白，唔係植物性蛋白！
【低碳水化合物】
碳水化合物既含量非常重要！不過通常既碳水化合物都係低於10%，如果高於10%既主食品請針酌餵食啦。
【磷含量】
磷含量都係好多人在意的指標。正常貓貓攝取350MG/100KCAL以下就得，如果係有腎臟狀況既貓貓就要起250MG/100KCAL以下。
【熱量比ME%】
ME%大家就成日聽，但係係乜黎或者點樣計就未必個個都識。好多研究指出，如果貓貓可以自由選擇野外既獵物，佢地天生就識挑揀一半以上既熱量來自蛋白質，中度適量既熱量來自脂肪，只有非常少量既熱量來自碳水化合物。所以，大家不妨參考以下數值：45-60%KCAL來自蛋白質，30-50%KCAL來自脂肪，10%KCAL以下來自碳水化合物。
除左要注意呢啲主要既成份之外，選擇主食品都要有清楚標示生產地同通過AAFCO或NRC標準認證；要避免同拒絕有易致敏穀類、糖份、標示唔清楚既肉品、脂肪、及無爭議性膠類既主食品。