top of page

瞭解貓貓挑食既原因

每隻貓貓都係美食家,我地唔捨得餓親佢地,但係又深受貓貓挑食既困擾,明明買左一兩罐試食都肯食,到正式買成箱罐罐返黎就唔食,又真係幾頭痛既。貓貓挑食應該點算?首先要搵出貓貓唔食野既原因,先可以做出初步區分。

【非疾病造成既挑食】

呢種情況貓貓既精神同體力通常都會好好,同平時一樣,貓貓會唔食主食,但係零食就非常想食。

【生病/厭食】

貓貓既精神同活動力會低落,連平時鍾意食既野都無曬興趣,或者食幾啖就唔食,甘樣可能係牙齦腫痛或者口炎既問題,另外有機會伴隨腹瀉、嘔吐、發燒、嗜睡等等唔舒服既症狀,或者出現行為問題,例如大叫、咬人,可能係話緊比你聽佢地唔舒服丫!貓貓係相當會忍痛既動物,請大家務必多啲觀察貓貓,有需要既可以影相或者拍片留紀錄比獸醫。

【季節性挑食】

夏天天氣熱或者春秋季節變換期間,通常都會令貓貓食慾下降,不過冬天食慾又會變返勁好,其實甘樣係好正常。不時轉換貓貓既主食品牌可以降低呢個問題,但係轉換品牌唔好起短時間係甘換,最好兩至三個月左右先換一次。

17 次查看

Comments


文章: Blog2_Post
bottom of page