有時候當貓貓挑食起上黎，對食物既執著都真係幾決絕架！如果真係遇上左甘樣既情況，貓爸媽可以點樣做同有咩要留意呢？
如果貓貓真係唔肯食，大家緊記住五大原則！就係"定時"、"唔食就收走"、"除左食飯時間無其他食物"、"每餐減量"同"堅持"。例如貓貓一日三餐，就要每日準時餵食，每一餐都要減量，食飯時間限定30分鐘，唔食或者食唔曬都要收走，可以選擇雪返起或者掉左佢，除左主餐之外，其他時間就算貓貓出嗲功要食物都唔可以比，尤其零食！通常堅持執行一日，比貓貓知道唔食就無得食，第二日通常就會開始食返一兩啖，呢個時候唔洗心急加返每一餐既份量，可以選擇性甘起下一餐先慢慢加量，等貓貓保持飢餓感，覺得食完之後仲想繼續食。有時第三日又會開始唔食，呢個時候只能夠回歸起點由頭再做一次。
年紀越大以及某啲性格比較自我既貓貓，可能開始既時候唔會甘輕易就妥協，佢地會令願捱餓都唔願意食幾啖。所以我地都要注意返貓貓既食量，如果超過一日完全無進食或者飲水既話，會有造成脂肪肝既風險，尤其係原本已經過重既貓貓，但係如果起中間貓貓係有稍微食幾啖既話，其實都可以繼續進行，記得密切觀察返貓貓既狀況就得啦。