top of page

改善貓貓挑食問題 1 - 環境同食用器皿既調整

貓貓唔鍾意起好嘈、唔安全、陌生、受到監視或者靠近水同廁所既環境進食,所以當性格敏感同易受驚既貓貓起食緊野個陣,我地盡量都唔好望住或者行近佢,而個性比較大膽既貓貓就無乜所謂。亦都唔好將貓貓既餐碗放起貓砂盆既隔離,水碗可以既話放起另一邊既話都會更好。

多貓家庭必須留意返,有啲貓貓唔鍾意同其他貓貓起同一個空間一齊食野。

貓貓餐碗既高度同直徑大細,都會影響貓貓食野既意願架。有啲貓貓鍾意用高腳餐碗,有啲貓貓鍾意用低腳餐碗,不過大部分既貓貓都唔鍾意食野個陣,佢地啲鬚鬚掂到餐碗既邊緣,以上呢幾種因素都要睇返貓貓既性格去定斷。

另外,有啲貓貓依賴性好強,一定要見到貓爸媽起到先會食多啲野,或者要摸摸、用手餵先肯食,都有好多貓爸媽會起貓貓唔食野既時候,用湯匙餵貓貓,久而久之就會令到貓貓要有人餵先肯食野既習慣,大家記得鍚還鍚,都要把持自己既餵食原則,唔好寵壞曬丫!

19 次查看

Comments


文章: Blog2_Post
bottom of page