乾糧既營養成份係以最基本既比例製造出黎，方便快速餵食，亦都唔容易腐壞，但係最得人驚既係乾糧有成份來源既疑慮、過高既碳水化合物、營養成份比例只係最低標準、過多不必要既原料添加，以及起運送同儲存既途中受到曱甴老鼠蚊蟲既污染，更重要既係，容易因為過於方便，而令貓爸媽輕視左貓貓水分攝取過低既問題。
所以靜係餵貓貓食乾糧既最大優點只係得一個，就係為左自己方便囉…
貓貓長期食乾糧，其實對貓貓既健康影響好大，過肥、乾糧成癮、腎臟問題、泌尿道問題，以及因過肥而引起既其他疾病，有越黎越多專門研究營養既獸醫都建議用濕食代替乾糧。雖然比貓貓食濕食，岩岩開始會覺得麻煩左，例如要洗碗、要放雪櫃、要解凍等等，但係好多貓貓到老左之後因為有呢啲疾病，需要更注重水份攝取而轉食濕食，但係就因為貓貓甘多年黎未食過濕食，覺得好陌生同唔習慣，所以令到轉食既動作難上加難。所以，大家既貓貓終究都要食濕食既，點解唔早啲就幫貓貓開始呢？餵濕食既習慣只要養成左，一切都會變得簡單又享受。
都係個句，人都要均衡飲食，何況貓貓呢？所以唔好靜係比貓貓食死一款主食品啦。